| Primum Oratio ante Pacem. | |
| Caritatem, & concordiam, tranquillitatemque perfectam da nobis, Domine, hoc tempore, & omnibus diebus vitæ nostræ, & referemus tibi gloriam, & laudem. | |
| Populus. | Amen |
| Diaconus. | Date pacem. |
| Populus. | Præsta nobis, &c. |
| Sacerdos. | Et omnibus benedic benedictionibus tuis inamissibilibus; & nos dignos perficiendi voluntatem tuam, & unigeniti Filii tui, & Spiritus tui vivi, & sancti. |
| Populus. | Amen. |
| Sacerdos. | Et impuram omnem cogitationem, à nobis depelle, per sacrificium hoc quod offerimus tibi Domine: per illud sanctifica corpora nostra, & illustra animas nostras, & referemus tibi laudem, & gratiarum actionem. |
| Populus. | Amen. |
| Diaconus. | Date pacem. |
| Sacerdos. | Caritas, &c. |
| Populus. | Amen. |
| Sacerdos. | Sursum corda. |
| Populus. | Habemus ad Dominum. |
| Sacerdos. | Gratias agamus Domino. |
| Populus. | Dignum & justum est. |
| Sacerdos inclinatus. | |
| Dignum & justum est, ut laudemus, & gratias agamus Patri, & Filio, & Spiritui sancto. | |
| (Elevans vocem). | |
| Et cum millibus millium, & myriadibus myriadum igneorum qui coram te consistunt, & te fine intermissione celebrant, dignum est ut te elevata voce laudemus, clamantes, & dicentes. | |
| Populus. | Sanctus. |
| Sacerdos inclinatus. | |
| Sanctus Pater genitor, & non genitus, sanctus Filius genitus, & non genitor, sanctus Spiritus qui procedit à Patre, & à Filio accipit; unus Deus verus qui salvavit nos gratiâ, & misericordiâ suâ. | |
| (Elevans vocem). | |
| Qui cum ad passionem salutarem paratus esset, panem etiam quem accepit + benedixit + sanctificavit + fregit, & corpus suum sanctum vocavit eum, in vitam æternam illis qui illud acciperent. | |
| Populus. | Amen. |
| Sacerdos. | Et calicem quem miscuerat vino, & aquâ, benedixit, & sanguinem suum pretiosum perfecit, illis qui illud accipiunt in vitam æternam. |
| Populus. | Amen. |
| Sacerdos. | Et cum discipulis sanctis illa tradidit, præcepit eis dicens: ita facietis in mei memoriam, donec veniam. |
| Populus. | Mortis tuæ. |
| Sacerdos. | Memoriam quoque egit Ecclesia tua Domine, universaæ dispensationis tuæ salutaris, fecundique adventus tui terrore pleni, in quo retribuetur unicuique juxta id quod fecit, propter quod poenitens grex tuus deprecatur te, & per te, & tecum Patrem tuum dicens. |
| Populus. | Miserere. |
| Sacerdos. | Nos quoque |
| Populus. | Te laudumus. |
| Sacerdos. | Præcipuè. |
| Diaconus. | Memento. Et. Quàm timenda est hæc hora. |
| Invocatio Spiritus Sancti. | |
| Sacerdos inclinatus. | |
| Miserere mei, Domine, & mitte super has oblationes propositas Spiritum sanctum, qui omnia Ecclesiæ sacramenta perficit adventu suo. | |
| Populus. | Kyrie eleison. |
| Sacerdos. | Et panem istum, perficiat corpus Dei nostri. |
| Populus. | Amen. |
| Sacerdos. | Et mistum quod est in hoc calice, transmutet in sanguinem Christi Dei nostri. |
| Populus. | Amen. |
| Sacerdos. | Ut sint omnibus suscipientibus in remissionem delictorum eorum, & per ea vitæ æternæ hæredes efficiantur, & referemus tibi gloriam. |
| Populus. | Amen. |
| Sacerdos inclinatus. | |
| Offerimus tibi domine sacrificium hoc pro Ecclesia tua sancta ubique diffusa, & pro populo tuo fideli, & Clero sacerdotali. | |
| (Elevans vocem). | |
| Et concede Ecclesiæ tuæ sanctæ, tranquillitatem, & pacem, præsulibusque ejus caniciem bonam, & honorabilem : & statue in ea Pastores qui rectè dispensent verbum veritatis, & referemus tibi, &c. | |
| (Sacerdos. inclinatus). | |
| Memento Domine omnium, miserere & adjuva omnes qui invocant te, & ad te confugiunt com fide vera. | |
| (Elevans vocem). | |
| Auxilium etiam tuum omnibus præsta, qui egestate, & angustiis conflictantur. Custodi Domine eos à quibus manus auxiliatorum præclusæ sunt, & referemus tibi gloriam. | |
| (Sacerdos. inclinatus). | |
| Memento Domine Regum fidelium, qui Ecclesiam tuam sanctam adjuvant, & populo tuo fideli benefaciunt. | |
| (Elevans vocem). | |
| Et aufer à nobis Domine inimicum spiritualem, ejusque tyrannidem, & ex manu principum immisericordium nos eripe, & referemus tibi, &c. | |
| (Sacerdos. inclinatus). | |
| Memento Domine Sanctorum ominum matrisque unigeniti Filii tui: salva , & confirma nos per preces Sanctorum tuorum. | |
| (Elevans vocem). | |
| Et sub alis Sanctorum tuorm protege nos, & inter eorum ordines nos constitue: ut cum eis referamus tibi gloriam. | |
| (Sacerdos. inclinatus). | |
| Memento Domine verorum Ecclesiæ tuæ Pastorum, qui nobis fidem rectam prædicaverunt, Patrumque electorum & Doctorum Orthodoxorum. | |
| (Elevans vocem). | |
| Conserva nos Domine in fide Orthodoxa, nec errantes, aut reos factio nos Domine. | |
| (Sacerdos. inclinatus). | |
| Memento Domine omnium fidelium defunctorum, qui in spe tua decubuerunt, & quietem præsta per miserationes tus, iis qui redempti sunt sanguine unigeniti Filii tui. | |
| (Elevans vocem). | |
| Et misericorditer eos aspiciens, Domine, parce delictis eorum, & defectus eroum dimitte, quia corpus & sanguis unigeniti Filii tui conditum in membris eorum est: per quem, & nos misericordiam consequi speramus, & remissionem peccatorum quæ est propter eum, & illis, & nobis. | |
| Populus. | Remitte. |
| Sacerdos. | Et nos, & illos dignos fac fine christiano, insipientiarum nostrarum, illorumque non recordatus, ut in hoc sicut in omnibus laudetur, & celebretur nomen tuum benedictum, & Domini nostri Jesu Christi, & Spiritûs tui vivi, & sancti, &c. |
| Populus. | Ut. |
| Sacerdos. | Pax. |
| Populus. | Et cum spiritu tuo. |
| Sacerdos. | Sint miserationes Dei Patris. |
| Sacerdos. | Credimus. |
|
Diaconus dicit Catholicam. Sacerdos frangit & signat. | |
| Oratio ante Pater Noster. | |
| Deus orationum susceptor, petitionumque acceptor rogamus & coram te pronunciamus orationem hanc dominicam quam docuit nos unigenitus Filius tuus, & corde contrito clamamus & dicimus: Pater noster qui es in coelis. | |
| Populus. | Sanctificetur, &c. |
| Sacerdos. | Libera nos Domine Deus à malo, & ab omni genere iniquitatis; peccata, & insipientias nostras dimitte nobis, & omnibus qui in nos quocumque modo deliquerunt: propitius esto nobis, & illis Domine, & referemus tibi gloriam, & laudem. |
| Populus. | Amen. |
| Sacerdos. | Pax. |
| Populus. | Et cum spiritu tuo. |
| Diaconus. | Inclinate capita vestra. |
| Populus. | Coram te Domine. |
| Sacerdos. | Emitte Domine dexteram tuam, & effunde miserationes tuas super populum tuum, & super oves gregis tui, qui expectat, ut accipiat corpus & sanguinem unigeniti Filii tui: sanctifica per illus corpora, & animas nostras, & referemus tibi gratiam, laudem, & gratiarum actionem. |
| Populus. | Amen. |
| Sacerdos. | Pax. |
| Populus. | Et cum spiritu tuo. |
| Sacerdos. | Benedictiones Dei sint. |
| Populus. | Et cum spiritu tuo. |
| Diaconus. | Unusquisque. |
| Sacerdos. | Sancta sanctis. |
| Populus. | Unus Pater sanctus. |
| Sacerdos dicit Orationem gratiarum actionis. | |
| Adoramus, & gratias agimus tuo erga homines amori Domine. Tu omnes igitur adjuva, & confirma, tu nos omnes, in bono statu confirma, nobisque ignosce, & remitte, quia in hac spiritali mensa epulati sumus, & referemus tibi gratiam, laudem, &c. | |
| Populus. | Amen. |
| Sacerdos. | Pax. |
| Populus. | Et cum spiritu tuo. |
| Diaconus. | Iterum atque iterum. |
| Sacerdos. | Christe qui es panis verus qui de coelo descendit, & fuit nobis in cibum incorruptibilem, custodi animas & corpora nostra à gehenna inextinguibili & verme immortali, & referemus tibi gloriam, & laudem, & Patri tuo beato, Spiritui tuo sancto & vivo nunc. |
| Populus. | Amen. |
| Diaconus. | Benedic Domine. |
| Sacerdos. | Benedic omnibus. |
| Diaconus. | Benedicamus, &c. |